Millimiz səfərdə Yunanıstanı məğlub etdi

  • 2 Fevral 2021 18:45
  • 56

Futzal üzrə Azərbaycan millisi AVR0-2022-nin seçmə mərhələsində ikinci oyununu keçirib.

Corner.az-ın məlumatına görə, 3-cü qrupda yer alan Joze Alesio Da Silvanın kollektivi səfərdə Yunanıstanın qonağı olub. Afinadakı Daiss İdman Sarayında oynanılmış görüş millimizin qələbəsi ilə başa çatıb - 3:0.

İlk iki qol 2-ci dəqiqədə vurulub. Əvvəlcə Vassura, daha sonra Eduardo Borges fərqlənib. Oyunda son nöqtəni isə 26-cı dəqiqədə Ramiz Çovdarov vurub.

Bu nəticədən sonra Azərbaycan yığması 6 xalla qrupa başçılıq edir. Hələ xalı olmayan Yunanıstan isə sonuncudur.

Avropa çempionatı

Seçmə mərhələ, 3-cü qrup

20:00. Yunanıstan - Azərbaycan - 0:3

Qollar: Vassura, 2, Eduardo Borges, 2. Ramiz Çovdarov, 26

Hakimlər: İbrahim El Jilali, Lars Van Leeuven (Niderland)

Afina, Daiss İdman Sarayı.

Qeyd edək ki, Azərbaycan millisi qrupdakı ilk oyununda evdə Slovakiyanı 4:1 hesabı ilə məğlub edib. Yunanıstan isə səfərdə Moldovaya uduzub - 1:3. Martın 4-də Azərbaycan Moldovanı, Slovakiya Yunanıstanı qəbul edəcək.


SON YÜKLƏNƏNLƏR

Everton'da yeni müqavilə

24 Fevral 2021 21:31

Millimizin üzvü Fransa klubu ilə müqavilə bağladı

DAVAMI