Qarabağ'ın keçmiş hücumçusu Türkiyə klubu ilə razılaşdı

  • 17 İyun 2021 13:03
  • 52

“Qarabağ”ın sabiq futbolçusu Dino Ndlovu karyerasını Türkiyədə davam etdirəcək.

Corner.az xəbər verir ki, 31 yaşlı hücumçu “Kocaelispor”la razılaşıb. Bu barədə 1-ci liqa təmsilçisinin mətbuat xidməti məlumat yayıb. Ndlovu yeni klubu ilə ilkin razılıq əldə edib.

Ndlovu 2016-2018-ci illərdə “Qarabağ”da çıxış edib. O, 2018-ci ilin yanvarında Ağdam təmsilçisindən “Çjetszyan Qrintaun”a transfer olunub. Cənubi afrikalı hücumçu bir müddət əvvəl Çin klubu ilə yollarını ayırıb və “Kocaelispor”a azad agent kimi keçəcək.