17 oyunluq həsrət bitdi

  • 13 Yanvar 2021 10:47
  • 43

İngiltərə Premyer Liqasının 18-ci turunda “Nyukasl”la qarşılaşan “Şeffild Yunayted” bu oyundan 1:0 hesablı qələbə ilə ayrılıb.
 
Corner.az xəbər verir ki, bununla da sözügedən komandanın qələbə həsrətinə son qoyulub.
 
“Şeffild Yunayted”ə qələbə qolunu  73-cü dəqiqədə penaltidən Billi Şarp vurub.
 
Nəticədə bu komanda 17 oyundan sonra qələbə sevinci yaşayıb. Cari mövsümdə qələbə qazana bilməyən yeganə komanda olan “Şeffild Yunayted” bu arzusuna 18-ci turda çatıb. Bununla da “böyük beşlik” ölkələri arasında cari mövsümdə qələbə qazana bilməyən kollektiv qalmayıb.
 
“Şeffild Yunayted” ilk qələbəsini qazansa da, hazırda 5 xalla Premyer Liqanın aşkar autsayderi olaraq qalır.