Ukrayna millisində Şevçenko dönəmi başa çatdı

  • 1 Avqust 2021 17:32
  • 55

 Andrey Şevçenko Ukrayna milli komandasının baş məşqçi postundan ayrılıb.

Corner.az xəbər verir ki, bu barədə ukraynalı mütəxəssis özü sosial şəbəkə hesabından açıqlama yayıb. O, açıqlamasında Ukrayna Futbol Federasiyası ilə müqaviləsinin bitdiyini deyib:

“Bu gün federasiya ilə olan müqaviləm başa çatdı. Çalışdığım beş il ərzində əsas hədəfim ölkəmin milli komandası idi. Müasir futbolda nələr edə biləcəyimizi çox çalışaraq göstərdik. Rəhbərliyə, futbolçulara, mənə dəstək olan hər kəsə təşəkkür edirəm”.

Ukrayna millisi bu ilin yayında keçirilən AÇ-2020-də Şevçenkonun rəhbərliyi altında 1/4 finala kimi irəliləmiş, bu mərhələdə İngiltərə yığmasına uduzmuşdu.